Гита Банко е дама со стил која забрзано го шири своето портфолио со стилски стории коишто го обиколуваат светот.
Популарната блогерка живее во Германија и чекори во петтата деценија од животот, а со ентузијазам споделува стајлинзи и совети од своето долгогодишно искуство во светот на модата. Банко била вљубена во модата уште од мали нозе. „Растев опкружена со мода, бидејќи мајка ми работеше во таа индустрија. Уште како дете дизајнирав фустани и мој детски сон беше да станам модна дизајнерка. За мене, модата е форма на уметност и начин да се изразам себеси и да ја изразам мојата креативност“ – вели таа.
Со споделувањето на модни комбинации на Instagram таа цели да ги поттикне своите следбеници да испробаат нешто ново и да експериментираат со изгледот.
