Јелена Розга синоќа ги разигра и распеа битолчани.
45-годишната пејачка одржа енергичен концерт на ракометното игралиште во Градот на конзулите.
За овој настап, хрватската музичка ѕвезда избра едноставна модна комбинација со која стави акцент на долгите, тонирани нозе и изгледаше одлично. Нејзиниот стајлинг се состоеше од краток тексас шорц, црна маичка и елегантни сандали на високи потпетици.
„Бижутерија“, „Ти си жеља мог живота“, „Гинем“ и „Ко ме зове“ се дел од хитовите кои ечеа на вчерашниот концерт.
Првично, концертот беше закажан за 5 август, но поради временските неприлики, се одржа вчера.
Фотографии: Кети Талевска Бакревска / Femina.mk