Женските солзи воопшто не изгледаат привлечно во машките очи и дури ја убиваат страста. Научниците откриле дека хемикалиите од женските солзи ја намалуваат сексуалната желба кај мажите.
Женските солзи делуваат како анти-афродизијак за мажите
За да ја тестираат својата теорија, израелски научници собрале солзи од жени кои гледале тажен филм. Потоа им дале на 24 мажи да ги помирисаат солзите додека гледаат фотографии од жени. Истиот процес бил повторен уште еднаш, но наместо солзи била користена солена вода.
Кога било побарано од мажите да ја оценат привлечноста на жените од фотографиите, мажите кои имале помирисано вистински солзи ги оцениле фотографиите како помалку привлечни во споредба со мажите кои помирисале лажни солзи.
Тестовите покажале и дека нивото на тестостерон кај мажите кои помирисале вистински солзи значително опаднало.
Научниците веруваат дека емоционалните солзи содржат феромони кои ја контролираат сексуалната желба и истакнуваат дека сè уште не е јасно дали машките или детските солзи би имале сличен ефект.