Женската банда од „Ocean's 8“ во Лондон: Ријана во златен фустан, Кејт Бланшет со малиот син, Сандра Булок...

Шест од осумте ѕвезди од „Ocean's 8“ присуствуваа на премиерата на актуелниот филмски хит во Лондон.

Ријана зачекори на црвениот тепих во златен фустан од есенската колекција на брендот Poiret. Нејзината чантичка доаѓа од Кристијан Лобутин додека сандалите се со потпис на Џузепе Ѕаноти.

Кејт Бланшет се појави на свеченоста со малиот син Игнатиус. 49-годишната актерка носеше креација од пердуви од Луј Витон.

Сандра Булок шармираше во блескав комбинезон од Зухаир Мурад.

Сара Полсон избра розов фустан од модната куќа Валентино.

Минди Калинг носеше црна креација со сребрени детали од Алберта Ферети.

Хелена Бонам Картер ѝ остана верна на Вивиен Вествуд и носеше блескав фустан од високата мода на популарната британска дизајнерка.