Добро познат факт е дека жените поминуваат голем дел од времето пред огледало. Желбата да изгледаме што подобро нè принудува често да го гледаме својот одраз.
Британско истражување покажа дека жените поминуваат 5 дена годишно пред огледало со цел да го подобрат својот изглед.
Просечната жена поминува 5 дена годишно пред огледало
Истражувачите откриле и колку шминка се користи. Секојдневно Британките користат толку многу кармин што може да се повлече линија од Лондон до Њујорк. Тие ставаат на своите лица 4000 литри пудра и со маскарата поминуваат 16 милиони пати по своите трепки.
Истражувањето, во кое учествувале 1000 жени, покажало и колку жените се зависни од шминката. Дури 40% изјавиле дека не би излегле од својот дом без шминка, а 19% признале дека би трошеле помалку пари за храна само и само да не кратат од својот буџет за продукти за разубавување.
Штета што истражувањето не ги проучило навиките за „висење“ пред огледалото на посилниот пол. Многу жени тврдат дека мажите се поголеми зависници од огледалото, па можеби резултатите ќе нè изненадеа.