Зендаја во невестинско бело и со златна бурма на ревија во Париз по тајната свадба со Том Холанд

Зендаја уште повеќе ги разгори гласините дека тајно се омажи со Том Холанд.

29-годишната актерка се појави со бурма на левата рака на ревијата на Луј Витон во Париз и веднаш го привлече вниманието на фоторепортерите кои не пропуштија да го овековечат прстенот.

Ѕвездата од „Euphoria“ изгледаше како невеста во бела модна комбинација со здолниште со асиметричен крој и кошула со нагласена јака. Тенката половина таа ја истакна со голем црн ремен.

Зендаја не го носеше својот дијамантски свршенички прстен, што дополнително „навести“ дека врската со Холанд веќе е крунисана со брак.

Шпекулациите дека Зендаја е во брак започнаа да се шират уште во февруари, кога беше фотографирана со бурма, а беа „подгреани“ од изјавата на нејзиниот стилист дека свадбата „веќе се случила“ и дека јавноста „ја пропуштила“.

Ниту Зендаја ниту Холанд досега јавно не потврдиле дека се венчале. 

Парот за првпат беше поврзан романтично во 2017 година, а ја потврди својата врска во 2021.