Ким Кардашијан руши граници и стереотипи.
43-годишната бизнисменка зачекори во машкиот свет, вбројувајќи се меѓу ѕвездите во изданието „Маж на годината“ на GQ. Успешната основачка на SKIMS беше прогласена за „Тајкун на годината“ благодарение на нејзините претприемнички вештини и успешноста на нејзиниот бренд кој во октомври ја лансираше првата линија за мажи.
„Само сакав мажите да откријат за што е целата таа возбуда“ – рече таа во интервјуто.
За фотосесијата, славната мајка на четири деца позираше во машки и женски модели од светски познати брендови како Balenciaga, Loewe и Saint Laurent.
Ким не крие дека работната етика ја наследи од татко си и сега се обидува истото да им го пренесе на своите деца.
„Татко ми ме тераше да потпишам договор за сè. Кога добив автомобил, морав да го мијам еднаш неделно и да проверувам дали има доволно гориво... Беше подарок кој го добив на 16 години, но имав одговорности“ – рекла таа.
Ким го лансираше брендот SKIMS во јуни 2019 година. Во јули оваа година, компанијата беше проценета на 4 милијарди долари.
