Криси Тиген и Џон Леџенд уживаа во убавините на Хрватска.
40-годишната манекенка и 47-годишниот музичар го споија семејниот одмор со неговата европска концертна турнеја и имаа незаборавна авантура во Пула.
Семејството допатува во Хрватска по престојот во Рим, каде Леџенд одржа свој концерт. Веднаш по слетувањето, Криси од авионот објави видео и напиша: „Здраво, Хрватска!“.
Таа сподели дека го посетиле Аквариумот во Пула, а од своите следбеници побара препораки што уште вреди да се види во овој хрватски град.
Во меѓувреме, Џон настапи во Пулскиот амфитеатар, во кој за првпат одржа концерт пред хрватската публика. По настапот во Пула, тој продолжува со европската турнеја со концерти во Италија, Швајцарија, Холандија...
