Секој од нас има моменти кога посакува да касне нешто благо помеѓу главните оброци во текот на денот.
За да не посегнувате по нездрави и калорични закуски, однапред подгответе здрава ужина која ќе ви биде при рака секојпат кога ќе го отворите фрижидерот.
Наш предлог овојпат се јогурт „барови“ со овошје кои ќе бидат идеални за целото ваше семејство.
Овој освежителен десерт се подготвува со 200 грама грчки јогурт, кој содржи здрави масти и протеини. Во него додадете 1-2 лажички мед и промешајте.
Смесата распоредете ја рамномерно на плех прекриен со хартија за печење. Од горе, исецкајте јаготки, малини, капини или боровинки, а потоа додајте гранола или сецкани јаткасти плодови по избор (орев, лешник, бадем).
Подготвениот десерт ставете го во замрзнувач неколку часа додека комплетно да се стврдне.
Истата смеса можете да ја поставите и во калапи за мафини.
