Заведува и во седмата деценија од животот: Моника Белучи ги истакна препознатливите облини на BAFTA

Моника Белучи е доказ дека убавината не познава возраст.

61-годишната актерка однесе елеганција и женственост на доделувањето на наградите BAFTA. На црвениот тепих во Лондон, Моника заведуваше во црна креација од Стела Мекартни која совршено ги истакна нејзините препознатливи облини.

Својот изглед, таа го надополни со впечатлив накит од колекцијата „En Équilibre“ на француската луксузна куќа Картие. Импресивниот ѓердан, украсен со дијаманти и асиметрично поставени сафири, за првпат беше претставен во Стокхолм во мај 2025 година.

Белучи со години е амбасадор на брендот.

Иако не беше меѓу номинираните, италијанската актерка влезе во улога на презентерка на една од наградите.