Затвореникот кој се прослави со атрактивниот изглед ќе има бебе со богатата наследничка на Topshop

Се сеќавате на Џереми Микс, затвореникот кој стекна светска слава со атрактивниот изглед? 34-годишниот Американец очекува дете со Клои Грин, ќерка на милијардерот Филип Грин.

Парот беше фотографиран на луксузна јахта, а големото стомаче на Клои ги потврди шпекулациите дека наскоро ќе роди бебе.

Џереми стана интернет хит во 2014 година, благодарение на фотографија направена при неговото приведување во полиција. Згодниот престапник беше уапсен и осуден поради поседување на огнено оружје, но неговите криминални постапки не беа пречка за тој да придобие илјадници женски обожавателки.

Откако стекна голема популарност, уште пред да биде затворен, Микс потпиша договор со агенција за модели и откако беше пуштен на слобода, започна соработки со брендови како Philipp Plein.

Додека беше во брак со првата жена Мелиса, Микс беше „уловен“ со Клои. По скандалите кои вклучуваа неверство и спонтан абортус на Мелиса, Микс ја продолжи врската со Клои.

Мелиса изјави дека преку папараци фотографии дознала дека Микс има афера со Клои и дека поради стрес го изгубила бебето од него.

Мелиса Микс

Кога Мелиса дознала дека Клои е бремена, била шокирана. „Бев шокирана, но во исто време знаев дека следи тоа. Според мене, основањето на семејство со ќерка на милијардер е златен билет, нели?“

Клои е наследничка на империја која го вклучува и модниот бренд Topshop.