Заслужено! Нела пречекана со аплаузи од соучениците за освоеното 7. место на Јуниорската Евровизија

По авантурата во Тбилиси, Грузија, Нела Манческа се врати во школските клупи и беше пречекана со силни аплаузи.

Македонската претставничка на Јуниорската Евровизија го освои седмото место и за моќната изведба на „Miracle“ доби огромна поддршка од Европа. Сепак, најголемата поддршка за младата пејачка доаѓаше од нашата земја, од оние кои ја познаваат и сакаат.

Нела заслужено беше пречекана со силни аплаузи и прегратки во ООУ „Вера Циривири Трена“ во Скопје, каде што и учи.

Видео од овој момент објави Антонио Милошоски на својот Facebook профил. 

„Заслужени аплаузи за Нела Манческа за 7-то место на Евровизија 👍 - топло добредојде од соучениците“ - напиша тој.