Заљубени и среќни: Адријана Лима насмеана до уши покрај Андре Лемерс кој нежно ја бакнуваше во Кан

Адријана Лима и Андре Лемерс се неразделни.

Парот заедно отпатува во Кан и присуствуваше на повеќе настани одржани во рамките на Канскиот филмски фестивал, а големо внимание привлече со нежните моменти на црвениот тепих.

44-годишната манекенка позираше насмеана до уши додека нејзиниот сопруг ја бакнуваше на лицето пред фоторепортерите.

Двојката присуствуваше на неколку гламурозни настани во Кан, меѓу кои и „The House of Magnum“ забавата, како и „Sunday Night Set“ со Ray-Ban.

Посебно внимание привлече нејзиниот впечатлив стајлинг на галата на Шопард. Бразилската убавица се појави во асиметричен црн фустан од проѕирен тул со едно рамо, под кој се наѕираше елегантен корсет. Комбинацијата ја надополни со впечатливи обетки и светкава чантичка.

Лима неодамна сними кампања со ќерките Валентина и Сиена, кои ги има со поранешниот кошаркар Марко Јариќ.

Денес таа ужива во семејниот живот со Андре Лемера со кого заедно имаат едно синче.