Ники Зимерман креираше забавна летна колекција во која ќе се вљубат сите девојки кои се стремат кон модерен изглед.
Спомените од летните одмори во Австралија, времето на едноставните задоволства и безгрижната среќа ја поттикнаа дизајнерката, која стои зад брендот Zimmermann, да создаде забавна и авантуристичка ресорт колекција за 2022 година. Во креациите се насетува радост и оптимизам, нешто што е клучно за моделите кои ги создава Ники.
„Сакав да го создадам најневеројатниот спомен и чувството кое го дава најдобриот одмор – чувството да се биде во совршен момент. Сакав да создадам забава и смеа – сè што обожаваме кај одморот. Исто така, сакав нешто што ќе дава чувство на носталгија, бидејќи за мене, ова беше за спомените и надежта за она што доаѓа“ – рекла Ники за колекцијата.
