Ели Сааб ја презентираше најновата колекција за сезоната пролет/лето 2022. Креациите асоцираат на оптимизам и заведуваат со колорит и софистицираност.
„Колекцијата за пролет/лето 2022 го носи елегантниот бохо-шик од седумдесеттите во сегашноста со свежи изгледи, дизајнирани за оние кои се млади во срцата“ – пишуваат од брендот.
Коментирајќи го оптимизмот на кој се темели колекцијата „Splendor in the Sun“, Сааб е категоричен дека неговите клиентки едвај чекаат да го остават КОВИД-19 зад нив и да се насочат кон поубави денови. „Сакаш да го видиш животот на посвеж начин. Бојата е сонце“ – вели тој.
