Зухаир Мурад пропатува назад низ времето за да створи ново ремек дело.
За најновата колекција висока мода, либанскиот дизајнер го спои античкото со модерното и создаде креации совршени за смели модни божици.
Талентираниот креатор се инспирираше од грчко-римската култура, а со дел од модните парчиња, тој оддаде почит на Феникија — древна цивилизација која се протегала во тесен крајбрежен појас на Сирија.
Суптилни везови, реси со мониста, смел накит обложен со кристали, каскадни синџири на луксузни ткаенини... колекцијата содржи и шмек од морските патувања и љубовта на Феникијците кон морето.
Мурад сака да ги става жените на пиедестал. „Културата е уметност и сакам да ги ставам жените на такво место. Тие изгледаат секси, убаво, недопирливо. Вистинските божици беа моќни, но најмногу од сè, беа паметни. Сакам жените да се чувствуваат добро во своето тело“ – изјавил тој.
