За првпат заедно на настан: Џенифер Анистон атрактивна покрај новиот партнер во Беверли Хилс

Џенифер Анистон и Џим Кертис дефинитивно повеќе не ја кријат врската.

56-годишната ѕвезда од „Пријатели“ и 50-годишниот хипнотизер за првпат заедно се појавија на свеченост. Парот присуствуваше на настанот Women In Hollywood, организиран од Elle во Беверли Хилс.

Анистон мамеше погледи во црна винтиџ креација од Ралф Лорен додека Кертис носеше класичен црн костум со сина кошула.

Првите заеднички фотографии на Instagram парот ги објави на почетокот на месецот, на 50-тиот роденден на Џим.

Анистон поттикна гласини дека е во врска со Кертис во јули, кога беа фотографирани на јахта на Мајорка. Оттогаш, тие повеќепати се фотографирани заедно од папараците.