За прв пат заедно во јавност: Синот на Кеба чека дете со 12 години помлада поранешна мисица
Игор Којиќ за прв пат се појави на јавен настан со својата девојка откако деновиве одекна веста дека ќе станат родители.
Синот на познатиот пејач Драган Којиќ Кеба, на концертот на татко си на Ташмајдан, пристигна со бремената партнерка Николина Шапоња.
27-годишната поранешна мисица од Ријека изгледаше прекрасно во романтично фустанче во крем боја, кое минимално ѝ го истакнуваше трудничкото стомаче.
На прашањата на новинарите поврзани со веста дека ќе стане татко, 39-годишниот Игор радосно изјави:
„Не се исплашив, јас се радував, важно е дека се убави вести, сите сме среќни. Татко ми беше многу среќен, што може да каже, беше баш среќен...“
Игор додаде дека му е важно само бебето да е живо и здраво, без разлика дали ќе биде момче или девојче.
Којиќ откри и дека љубовната приказна со неговата 12 години помлада избраничка е многу убава и од многу одамна, но дека целосно ќе ја раскажат во некоја друга пригода.
Игор зад себе има два разводи. Од 2015 до 2021 година, беше во брак со хрватската пејачка Северина, а потоа во 2025 година се ожени со Софија Дачиќ, со која бракот им траеше само околу пет месеци.
