Зухаир Мурад повторно доби заслужени аплаузи за новите модни дела.
Либанскиот дизајнер, кој им е омилен на многу холивудски ѕвезди, ја презентираше новата колекција за сезоната пролет 2025, од која секоја дама би посакала барем едно парче за себе.
„Со оваа колекција, ЗУХАИР МУРАД ја раскажува приказната за една жена која се спојува со морето и се нурнува длабоко во водното царство, доловувајќи ја флуидноста, мистеријата и силата на океанот.“
„Палетата на бои е направена според постојано променливото море, од меки, блескави нијанси на зората, како руменило во боја на праска и песочни неутрални нијанси, до подлабоки и поинтензивни нијанси на теракота зацрвенети од Сонцето. Океанските синила и крајбрежните зелени нијанси го отсликуваат брегот во самрак“ – стои во описот на колекцијата на официјалниот сајт на Мурад.
