„Ангелите“ слетаа на пистата, Адријана Лима одушеви со легендарно враќање, модните икони Кејт Мос, Ева Херцигова, Тајра Бенкс и Карла Бруни изненадија со дефиле...
На њујоршката ревија, мамеа воздишки грандиозни крилја, сексапилни аутфити и театрални костими.
По шестгодишна пауза, фановите имаа можност да проследат ново шоу на Victoria’s Secret, и тоа за првпат пренесувано во живо на социјалните мрежи.
Џиџи и Бела Хадид, Алесандра Амбросио, Кендис Сванапул, Беати Принсло, Џасмин Тукс, Барбара Палвин и Тејлор Хил смело чекореа на пистата. Одговарајќи на барањата за застапеност на жени со облини, брендот за првпат покани и plus-size модели, меѓу кои и Ешли Греам.
Откако низ годините претрпеа многу обвинувања за мизогинија, организаторите годинава потенцираа дека шоуто било креирано од жени, а сите на сцената беа жени. Па така, и за музичкиот дел од ревијата беа задолжени само артистки - Лиза (Лалиса Манобан), Тајла и Шер.
