Засолниште, кое посветено работи на благосостојбата на животните, им ги разубави животите на спасени кучиња.
Досега, „Luvable Dog Rescue“ од Орегон им овозможуваше на кучињата да уживаат во слободата на површина од над 200.000 метри квадратни, која вклучува ливади, шума и патеки за планинарење.
Но, сега организацијата отиде чекор подалеку и им изгради сопствени куќи на кучињата за тие да се чувствуваат како дома. Куќите се опремени со мебел, слики и други предмети за да изгледаат како нормални домови. На овој начин, вработените добиваат претстава како ќе се однесуваат кучињата откако ќе бидат посвоени, што влијае на нивните препораки кон лицата кои сакаат да ги вдомат.
Со животните постојано работат стручни лица и волонтери, кои ги учат и ги социјализираат за да ги претворат во среќни домашни миленици.
