Шокантен случај на злоупотреба на деца ја потресе Индонезија.
Полицијата уапси 13 лица поврзани со градинка во Џогјакарта, каде биле малтретирани десетици бебиња и мали деца. Станува збор за установата „Little Aresha“, која, според истрагата, работела и без соодветна лиценца.
Случајот излезе на виделина откако поранешен вработен пријавил нехумани услови, а потоа во јавноста се појавија и вознемирувачки снимки од надзорни камери. На нив се гледаат деца, најчесто под две години, оставени само во пелени, врзани за рацете и нозете, па дури и со покриени усти за да не плачат.
Yaa Allah begini hari-hari bayi-bayi di Daycare Little Aresha…
Begini pemandangan saat digrebek aparat…
Bener-bener jahat! Anak-anak ditidurkan di lantai tanpa baju dan bantal dengan tangan dan kaki di ikat, dan di antara nya mengalami kekerasan fis1k hingga lebam… https://t.co/C9hpt8bwnM pic.twitter.com/shVp7N3JIJ— Bintu Baba (@Bintu__Baba) April 28, 2026
Сведоштвата на родителите дополнително ја потресоа јавноста. Една мајка сподели видео на кое нејзиното дете вели: „Ми ја покриваа устата за да не плачам... за мама да не може да ме слушне како плачам“.
@asiaone A heartbreaking conversation between mother and child, as Erika Rismay's daughter told her what teachers at Little Aresha Foundation - a daycare centre in Indonesia's Yogyakarta - did to her. #news #Indonesia #Children #Childcare #Police ♬ original sound - AsiaOne
Други родители раскажуваат дека нивните деца често се враќале дома гладни, со модринки или повреди.
Полицијата потврди дека снимките се автентични и дека при рацијата затекнала околу 20 деца сместени во многу мала просторија широка само 3 метри. Постојат сомнежи дека од вкупно 103 запишани деца, најмалку 53 биле жртви на занемарување или злоупотреба.
Меѓу уапсените се 11 негувателки, директорката на градинката и раководителката на фондацијата. Осомничените се правдаат дека ги врзувале децата за да не ги вознемируваат останатите, поради недостиг на персонал.
Локалните власти најавија итни проверки на сите градинки во регионот, додека јавноста бара построги контроли и поголема одговорност за ваквите установи. Според законот, осомничените се соочуваат со казна затвор до пет години и парична казна.
