Војвотката Меган откри детаљ на нејзината венчаница кој е посветен на првиот состанок со принцот Хари

„Нешто старо, нешто ново, нешто позајмено и нешто сино“ – според старо верување тоа се четирите детали кои секоја невеста треба да ги носи на себе на свадбата за да има среќен брак. Ова е традиција која се применува во многу земји ширум светот.

Исто како и војвотката Кетрин, и Меган Маркл ја почитуваше традицијата. Во видео од документартниот филм за кралицата Елизабета II, војвотката Меган открива што беше нејзиното „нешто сино“ на свадбата со принцот Хари.

„Некаде таму внатре е зашиено парче син материјал – тоа беше моето нешто сино. Тоа е материјал од фустанот кој го носев на нашиот прв состанок“ – вели шармантната војвотка од Сасекс во видеозаписот во кој ја гледа својата венчаница за првпат по свадбата.

Сината боја во овој случај симболизира љубов, чистота и верност – трите клучни квалитети за успешен брак.

Невестинскиот фустан на Меган е дизајниран од Клер Вејт Келер, која стои на чело на модната куќа Живанши.

Меган и принцот Хари стапија во брак во мај оваа година.

Војвотката Кетрин имала сошиена сина панделка на внатрешноста од фустанот за свадбата со принцот Вилијам.