Војвотката Кетрин во жолто на машкото финале на Вимблдон откако со Меган Маркл шармираа на женското финале
Војвотката Кетрин во живо го проследи финалето на Вимблдон и во женска и во машка конкуренција.
На натпреварот помеѓу Новак Ѓоковиќ и Кевин Андерсон, 36-годишната припадничка на британското кралско семејство освојуваше во минималистички фустан во модерна жолта боја од Долче и Габана.
Кетрин заедно со принцот Вилијам беа сведоци на победата на Ѓоковиќ. Парот седеше покрај британската премиерка Тереза Меј.
По завршувањето на натпреварот, Вилијам и Кетрин му честитаа на српскиот тенисер за освоената титула.
На финалниот меч помеѓу Серена Вилијамс и Анџелика Кербер, Кетрин присуствуваше со војвотката Меган.
Сопругите на британските принцови изгледаа модерно и елегантно додека се смешкаа гледајќи го натпреварот. Кетрин шармираше во фустан од нејзината омилена дизајнерка Џени Пекам, додека Меган се појави во бели панталони и кошула со риги од Ралф Лорен.
Меган е добра пријателка со Вилијамс, која за жал не успеа да ја освои титулата.
