Војвотката Кетрин е на кратка турнеја низ Велика Британија посветена на раниот развој на децата.
Утрово, таа го посети Кардиф, каде се сретна со деца и родители во детскиот центар „Ely and Careau“.
38-годишната Војвотка носеше палто во карамела нијанса кое се смета за модна класика. Црната ролка таа ја искомбинира со плисирано здолниште со леопардски принт од Zara.
Говорејќи за својата мисија, Кетрин вчера изјави: „Како родител, знам колку ни е важно идното здравје и среќата на нашите деца. Сакам да ги слушнам клучните проблеми кои ги засегаат семејствата и заедниците, за да можам да ја фокусирам мојата работа таму каде што е најпотребна. Мојата амбиција е да обезбедам трајна промена за идните генерации.“
