Војвотката Кетрин и принцот Вилијам присуствуваа на четвртиот ден на Royal Ascot. Кралскиот пар беше дел од традиционалната поворка со кочии.
На популарните трки со коњи, 40-годишната војвотка од Кембриџ се појави во бел фустан со кафеави точки и отмен шешир. Креацијата е дело на Алесандра Рич, а славната припадничка на британското кралско семејство ја надополни со кафеав шешир со цели цветови и кафеави салонки од Џанвито Роси.
Нејзиниот аутфит многумина ги потсети на стајлинг со кој принцезата Дијана шармираше на коњски трки во 1988 година.
И со обетките со бисери Кетрин ја засили асоцијацијата со Дијана, бидејќи ѝ припаѓаа на покојната „кралица на срцата“.
