Војвотката Кетрин и принцот Вилијам беа дел од публиката на театарска претстава за менталното здравје во театарот „Ноел Кауард“ во Лондон.
38-годишната припадничка на британското кралско семејство изгледаше шик и модерно во црна креација од твид од модниот бренд Eponine. Во својот стајлинг, таа додаде и сребрени салонки од Џими Чу и складна чантичка.
Откако ја проследи театарската изведба „Dear Evan Hansen“, кралскиот пар се сретна со актерската екипа. Целта на мјузиклот е да се започне важен разговор за менталното здравје помеѓу родителите и тинејџерите.
Менталното здравје е клучен приоритет на Кралската Фондација која се бори против стигмата и охрабрува сè повеќе луѓе отворено да зборуваат за нивното ментално здравје.
