Неговите чевли со црвен ѓон доминираат во модниот свет веќе 30 години, неговата луксузна колекција шминки доживеа огромен успех, а сега Кристијан Лобутин е на пат повторно да ги освои срцата на дамите.
Талентираниот дизајнер создаде седум нови парфеми и ги презентираше со бајковита кампања во која протагонист е самиот тој.
„Ќе патуваме низ светот преку мојот ум и ќе искусиме седум уникатни мириси во кои ги спакував моите соништа, фантазии и имагинација“ – вели Лобутин.
„Оваа колекција е како да навлегувате внатре во мојот ум. Мирисите се базираат на седум различни имагинарни земји, секоја од нив ми се претставува со свој мирис, боја, форма и материјали. Овие земји се моја сопствена уникатна креација. Честопати тие се родени од сеќавање кое е вгнездено во мојот ум, најчесто поврзано со патување, приказна или мирис што едноставно не можам да го заборавам“ – вели Лобутин.
Колекцијата се состои од парфемите: Loubifunk, Loubidoo, Loubikiss, Loubirouge, Loubiraj, Loubicrown, и Loubicroc.
