Вирално видео: Уметница која забремени на 15 години му оддаде почит на професорот кој верувал во нејзиниот талент

14 март 2024, 11:42

Понекогаш, потребна е една личност да поверува во вашиот талент за да ви го промени животот.

Уметница, која забремени на 15-годишна возраст, му оддаде почит на професорот „кој ја третирал како да е нормална“ и ја охрабрувал да го развива нејзиниот талент. Таа сега има насликано прекрасни слики со кои освојува обожаватели и од кои заработува.

Кејла Карлајл стана вирален хит на социјалните мрежи со својата животна приказна. Нејзиниот TikTok профил има над 13 милиони допаѓања.

@kaylacarlileart
Reminiscing a very special influence on my art today…
♬ stuck on the floor out everywhere march 8th - Av

Откако забременила како тинејџерка, Кејла била охрабрувана од професорот по уметност Џејмс Дики да продолжи да слика, бидејќи имала специјална дарба. И бил во право.

Карли сега има 26 години, а нејзиното синче Лендон има 10, но таа сè уште не може да ги заборави осудувачките погледи во училишните ходници и изолацијата од нејзините врсници. Никој не сакал да седи покрај неа во мензата само поради тоа што била бремена.

„Слушав многу нешта кои луѓето си зборуваа за мене. Училницата на господин Дики беше бегство од сето тоа“ – рекла таа.

Кејла имала огромна поддршка од родителите, но никогаш не ја заборавила поддршката од Дики. Покрај тоа што ја охрабрувал, професорот ја ангажирал и како своја асистентка во нејзиното слободно време.

„Правеше децата да се чувствуваат комфорно. Неговата училница даваше чувство на сигурност. Тој направи да почувствувам дека можам да бидам уметник и дека животот не ми завршува затоа што ќе бидам мајка-тинејџерка“ – објасни Кејла.

„Имате две опции кога станува збор за околностите во вашиот живот. Да ги искористите како изговор за неуспехот или да ги искористите како инспирација за да успеете“ – додава таа. Кејла Карлајл