Вирален хит: Јапонски одбојкар ненамерно ја удри судијката со топка, драматично ѝ се извини и освои милиони срца
Јапонски одбојкар стана светски вирален хит откако на несекојдневен начин ѝ се извини на судијка која ненамерно ја погоди со топка за време на натпревар во Кобе, Јапонија.
Јуџи Нишида ја удри жената при негов сервис, а потоа истрча кон неа и драматично ѝ се извини, освојувајќи милиони срца со својот гест. Тој се лизна по паркетот кон неа, го допре подот со челото, а потоа повеќепати длабоко ѝ се поклони во знак на извинување и почит.
Според јапонската традиција, ваквиот чин се нарекува догеза и е најдлабоката форма на извинување и покажување почит, која ретко се гледа во јавноста.
Судијката, која не беше повредена, ја прифати извинувачката гестикулација со насмевка и возврати со поклон, додека видеото за кратко време собра милиони прегледи на социјалните мрежи.
Нишида не блескаше само со човечноста и културата, туку блескаше и спортски. Неговиот тим победи со, а тој ја освои и MVP наградата на турнирот.