Викторија Бекам, Ирина Шајк, Селма Блер... 40 легендарни жени на насловната на британскиот „Вог“

Едвард Енинфул сакал да направи нешто специјално за неговото последно издание како уредник на британскиот „Вог“. И несомнено успеа да си ја постигне целта.

За насловната страница од мартовското издание на списанието, модниот уредник не избра една, туку 40 легендарни жени кои отпатуваа во Менхетн од различни краеви од светот за да позираат заедно.

Викторија Бекам, Серена Вилијамс, Опра Винфри, Ирина Шајк, Дуа Липа, Селма Блер, Мајли Сајрус, Наоми Кембел, Џејн Фонда, Џиџи Хадид, Синди Крафорд и Карли Клос се само дел од ѕвездите на корицата.

„Кога стана збор за моето последно издание, знаев дека ќе им биде посветено на жените. Жените го оформуваа британскиот ‘Вог’ речиси 108 години“ – напиша Едвард.

Заедничката насловна фотографија ја потпишува Стивен Мејзел, а едиторијалот во внатрешноста на списанието е дело на Нед Роџерс.