Викторија Бекам го прослави 51-виот роденден во истата модна комбинација која ја има носено нејзината снаа Никола

Викторија Бекам со стил го прослави 51-виот роденден.

Славната модна дизајнерка уживаше на јахта со семејството, а подоцна прослави со пријателите и најмилите на забава во Мајами. Викторија шармираше облечена од глава до пети во бело во дводелна модна комбинација со корсет и панталони од нејзиниот моден бренд.

Истиот стајлинг со цена од 1.370 евра пред неполна година го носеше нејзината снаа Никола Пелц на премиерата на „Lola“. Облеката ѝ била подарок токму од Викторија.

Во изминатиот период, сè погласни се шпекулациите дека Никола и нејзиниот сопруг Бруклин Бекам се во влошени односи со неговото семејство. Бруклин не ѝ го честиташе роденденот на Викторија како што правеше секогаш во изминатите години. Парот не беше присутен ниту на нејзината прослава, а отсуствуваше и од претходните семејни собири.

Викторија е во брак со поранешниот фудбалер Дејвид Бекам од 1999 година и заедно имаат 4 деца.