Викендот што следува (8 и 9 март) во детскиот корнер во „Чоколадната земја“ во Веро-центарот од 11 часот одново ќе се организираат игри и активности за деца што ќе им ги разубават деновите.
Играта „Слатка меморија“ ќе им донесе бројни слатки награди, а во детската работилница ќе изработуваат слатки креации од колаж и декоративна хартија, глитери, лепак, украсни стапчиња, светки и бои... сѐ под будното око на артистите што ќе работат со нив и ќе ги водат низ вештините на рачната изработка на украси, честитки, кутии и други декорации.
„Презадоволни сме од посетеноста на „Чоколадната земја“, а особено задоволни со детските активности кои ги организираме за викендите. Има ли поголемо задоволство од тоа да се видат толку многу деца кои уживаат декорирајќи мафини, изработувајќи чоколадни лижавчиња, правејќи слатки украси и згора на сѐ нивното нескриено задоволство консумирајќи ги своите слатки дела... Тоа беше вистински деликатес за нас. Затоа и овој викенд ги каниме на дружење сите дечиња во сабота и недела во детскиот корнер во „Чоколадната земја“ во Веро-центарот од 11 часот на заемно задоволство и уживање“, изјави Влатко Величков, маркетинг менаџер во Веро супермаркетите.
Во „Чоколадната земја“ во Веро-центарот секојдневно имате можност да уживате во чоколадите и слатките на Европа, Бамби, Мое колаче, Краш, Кандид, Милка, Киндер, Најлепше жеље, Марс, Баунти, Милки веј, Твикс, Сникерс, Свис лион и Ритер спорт, Шотеген, Тофифи и многу други вкусови што се вистинско задоволство за сите сетила.