„Вие сте нашиот дар од Бога“: Слатка фотосесија на четворката од Штип за нивниот прв роденден
Семејството Зикови од Штип денес има специјален повод за славење. Михаил, Теодор, Ведран и Леонтина наполнија една година.
По повод првиот роденден на слатката четворка, родителите Благица и Александар споделија фотографии од дечињата.
Среќната мајка напиша и емотивна порака за оваа година полна со љубов:
Додека ве носев така малечки во моите раце, додека спиевте на моите гради го чувствував вашиот бебешки мирис, не ни помислував колку брзо ќе пораснете и еве денес полните една годинка.
Една година исполнета со бебешки звуци, со многу галење, гушкање со мамичка и татичко.
Вие сте нашиот дар од Бога. Имајте среќно и благословено безгрижно детство.
Мама и тато ќе направат сè да ја добиете најголемата љубов во вашето детство.
Растете ми растете мали мои дечиња.
Дека ви е среќен првиот роденден.
Благица и Александар ги добија своите малечки по четири години борба со неплодноста.
„Четири години се боревме со неплодност. Првото инвитро ни беше неуспешно и по две години пак се одлучивме да пробаме... Како што велат постарите: ‘Ако желбата ти е голема, Господ ти подарува’“.
„Тоа чувство не може да се опише со зборови. Волшебно нешто. Прекрасно, радосно, необјасниво чувство, само си реков во себе: ‘Ти благодарам Боже за овој дар што ми го подари да станам мајка на четири дечиња истовремено’“ – рече Благица за Femina.mk.
