Бунтовничката Тејлор Момсен е рекламното лице на најновиот женски парфем на дизајнерот Џон Галијано, наречен „Parlez-moi d'amour“.
Приказната зад рекламата е дека Теjлор патува низ Европа со нејзиниот бенд и се заљубува, а додека е во Берлин, без интернет или мобилен, пишува љубовно писмо.
Во видеото 17-годишната ѕвезда од Gossip Girl пишува долго писмо, што се совпаѓа со концептот за шишенцето на парфемот, затоа што шишенцето е во облик на плик и на него има мала цветна поштенска марка. Во позадина се слуша песната на Тејлор „You“.
Тејлор, која е вокалистка на групата Pretty Reckless, е и рекламно лице на Material Girl, модната линија на Мадона и нејзината ќерка.
„Parlez-moi d'amour“ во превод од француски би значело „зборувај ми за љубовта“.