Ријана им дозволи на емоциите да ја надвладеат и се расплака на својот концерт во Даблин. 28-годишната пејачка се појави на сцената со 30 минути задоцнување, а само што започна да ја пее „Love the Way you Lie“, солзи протекоа по нејзиното лице.
Ѕвездата од Барбадос го изведуваше големиот музички хит кога целата публика започнала да пее гласно. Неверојатната енергија која владеела на стадионот „Авива“ допре до срцето на Ријана. „Само еднаш во животот имам слушнато публика да пее толку гласно и тоа да звучи како еден глас. Тоа се случува само во Ирска, во Даблин. Ви благодарам многу“ – рекла таа.