ВИДЕО: Придружничка ѝ ја грабна тијарата на избраната кралица на колумбиски натпревар за убавина

За некои луѓе губењето е неприфатливо. Колумбиски натпревар за убавина заврши со несекојдневна ситуација – придружничката ѝ ја грабна тијарата на крунисаната девојка.

На натпреварот одржан во Нејва, русокосата Валентина Бонила Нијера беше прогласена за победничка. Додека фоторепортерите го овековечуваа моментот, придружничката Јејми Лизет Силвестре незадоволно ѝ ја зеде тијарата на избраната кралица, се фотографира со неа, ѝ ја врати на главата и бесно ја напушти сцената.

Видео

Во натпреварот „Национална кралица на Бамбуко“ учествуваат девојки од сите области на Колумбија и се оценувани според убавината, знаењето и изведба на традиционални танци.