ВИДЕО: Младоженец од Битола ја изненади невестата на свадбата, со другарите ѝ подготви весел танц на „Магија“
Ристе од Битола одлучи на својата избраничка Катерина да ѝ приреди специјално изненадување на нивната свадба.
Веселиот младоженец, со осмислена кореографија на хитот „Магија“, танцуваше со другарите за својата нова сопруга додека таа седеше на столче пред нив и со широка насмевка го следеше секој нивен потег. На крајот од танцот, другарите го турнаа Ристе кон Катерина, па ги поканија гостите да им се придружат во забавата.
Забавниот настап доби аплауз и овации од присутните, како и позитивни коментари на социјалните мрежи.
