Се сеќавате на Сузан Бојл? Кога таа се појави на шоуто „Britain's Got Talent“, сите мислеа дека ќе видат уште една лоша изведба, но откако таа го пушти својот глас, немаше човек кој не занеме.
Слична е и приказната со Шарлот и Џонатан. Откако 16-годишната девојка и 17-годишното срамежливо момче се појавија на сцената, сите очекуваа лош или просечен настап. Но, нивните моќни гласови ги воодушевија буквално сите во салата, а нивната скромност предизвика и солзи кај публиката.
Во интервју пред настапот, Џонатан призна дека долги години страда од ниска самодоверба, предизвикана од неговата прекумерна тежина и дека токму Шарлот е личноста која му помага да се справи со тој проблем. „Немаше да бидам на сцена денес ако ја немав Шарлот покрај мене“ – вели Џонатан во интервјуто.
По нивната изведба, публиката се исправи на нозе и ги награди со громогласни аплаузи. Срамежливата насмевка на Џонатан ќе придонесе уште повеќе да го засакате нивниот настап.