Маж, кој дознава дека ќе стане татко по 17-годишни неуспешни обиди за дете, стопли милион срца низ светот. Прекрасната вест дека очекува син му ја соопшти саканата, која претходно имала 4 спонтани абортуси и едно мртвороденче, а неговата среќна реакција беше овековечена со видео.
Дана Грифин-Грејвс и Аркел Грејвс се обидувале да имаат дете уште откако стапиле во брак пред 17 години.
По 4 спонтани абортуси и едно мртво родено бебе, парот од Вирџинија изгубил секаква надеж. Тие пред пет години речиси се откажале од помислата дека ќе станат родители.
Откако не можела да ја намали тежината и покрај тоа што била физички активна, Дана решила да посети доктор. Веста дека е бремена во петти месец била најубавиот и најнеочекуваниот момент во нејзиниот живот. „Бев пресреќна. Ништо не планиравме, не се ни обидувавме“ – изјавила таа за BuzzFeed.
Видеото од реакцијата на Аркел ќе биде бесценет спомен за среќното семејство.
