Два дена пред закажаната премиера на VEVO, долгоочекуваниот спот на Кети Пери за „Last Friday Night (T.G.I.F.)“ стигна до интернет корисниците.
Во видеото, покрај Кети Пери, се појавува и Ребека Блек, девојката којашто го освои YouTube со спотот за песната „Friday“.
На почетокот на спотот, Кети Пери влегува во улогата на „бубалицата“ Кети Бет Тери. Таа мамурна се буди в кревет до полуголо момче, опкружена со неред и заспани луѓе, не можејќи да се сети што се случило претходната вечер. Но, веднаш се вклучува онлајн и на една друштвена мрежа пронаоѓа слики од лудата забава од изминатата ноќ. Тогаш, започнува да се присетува...
Накратко, Кети Пери со помош на Ребека Блек успева од бубалица да се претвори во секси девојка за да го освои срцето на еден фраер.
„Last Friday Night (T.G.I.F.)“ е дел од најновиот албум на Кети, Teenage Dream.