Кендал Џенер ја покани екипата на „Вог“ во домот во кој израсна и одговори на 73 прашања за модната библија.
Во краткото видео, 20-годишниот модел ја води камерата низ куќата, откривајќи информации за својот личен живот. Таа открива дека Божиќ е најубавиот празник кој го има славено во овој дом, прва работа во животот ѝ била шетање на кучиња, омилен филм ѝ е „The Notebook“, а црвениот кармин е нејзиниот „must-have“ производ за разубавување.
Славната манекенка за интервјуто носи креација од дизајнерот Хуан Карлос Обандо.
Исто така, на Кендал Џенер ѝ припадна честа да го краси најважното издание на „Вог“ во годината. Таа сними фотосесија за септемвриското издание, кое традиционално е најпродавано и најголемо по број на страници.