ФОТО: Кендал Џенер е ѕвездата од најважното издание на „Вог“ за годината

На Кендал Џенер ѝ припадна честа да го краси најважното издание на „Вог“ во годината. 20-годишниот модел сними фотосесија за септемвриското издание, кое традиционално е најпродавано и најголемо по број на страници.

На фотографиите, Џенер позира во креации од есенските колекции на познати модни куќи меѓу кои и Гучи, Прада, Александар МекКвин, Луј Витон и Александар Ванг.

За едиторијалот било ангажирано фотографското дуо Мерт и Маркус.

Ова не е првпат Џенер да има толку важна улога во познатото списание. Пред неколку месеци, „Вог“ ѝ посвети специјално издание на Кендал, кое се состоеше од 52 страници.