Денес е Велики четврток, денот кога во секој христијански дом се бојадисуваат велигденските јајца.
Ако сте љубители на пастелните бои, можете да ја разубавите вашата трпеза токму со пастелни јајца кои ќе бидат вистински хит, а истовремено лесни за правење.
Во мала длабока чинија ставете жешка вода, две лажички оцет и прехранбена боја. Мешајте додека да се раствори бојата. Полека ставајте по едно бело варено јајце.
Штом ја добиете посакуваната нијанса, извадете ги јајцата и поставете ги на кујнска хартија.
