Сега е музичка дива, но Бијонсе се занимавала со музика долго време пред да стане славна. Деновиве беше објавено видео од кога популарната пејачка имаше само 10 години и беше дел од женската група Girl’s Tyme.
Во видеозаписот, прикажани се снимки од проби, настапи и снимање на музичко видео на младите девојки.
Дел од Girl's Tyme, биле и Кели Роланд, Летоја Лукет и Летавија Робертсон – девојките со кои седум години подоцна Бијонсе ја основаше групата Destiny’s Child.
Дваесет години се сметало дека снимката е изгубена. Целосното видео е долго 2 и пол часа и се проценува дека на аукција ќе достигне вредност од над 3 милиони долари.
