Само еден ден по објавувањето на првите фотографии од новата рекламна кампања за H&M, Дејвид Бекам ги израдува своите обожавателки со динамичен рекламен спот.
Во краткиот филм режиран од Гај Ричи, фудбалската ѕвезда трча по долна облека низ улиците на Беверли Хилс.
„За мене тоа беше повеќе од кампања, беше како режирање на краток филм“ – споделил Ричи.
„Работењето со Гај беше фантастично искуство. Се надевам дека сите ќе се забавуваат гледајќи го филмот, исто колку што јас се забавував додека го снимав“ – рекол 37-годишниот фудбалер.
Дејвид неколку сезони успешно дизајнира машка долна облека за шведскиот моден бренд.