Даниел Кајмакоски ја премина и последната пречка пред големото финале на „X Factor Adria“.
Во вечер исполнета со музика од менторите, 30-годишниот Македонец ја исполни баладата „Љубави“ од Жељко Јоксимовиќ.
Откако ги слушна коментарите од жирито, Даниел изјави дека не е задоволен од настапот. Сепак, тоа не ги сопре неговите фанови да го поддржат за време на 30-минутното гласање и да го испратат во финалето.
Финалето на популарното музичко шоу ќе се одржи на 23 март во Белград.
Илма Карахмет и Маид Хеќимовиќ добија најмал број на гласови и влегоа во музички двобој, а жирито одлучи ова да биде последен настап за младата пејачка.