Блејк Лајвли се бори за својот живот во новиот филм „The Shallows“. Славната сопруга на Рајан Рејнолдс влезе во улога на Ненси, млада девојка која по загубата на својата мајка реши да сурфа во изолирана област.
Од првиот објавен трејлер за новиот филмски проект на 28-годишната актерка, се гледа дека сурфањето не заврши баш најдобро. Таа остана заробена на мала карпа сред морски води додека голема ајкула кружи околу неа. Ненси има само неколку метри до брегот, но мора да го ризикува својот живот за да стигне до копното.
Премиерата на „The Shallows“ ќе биде на 24 јуни оваа година.