Видео од тримесечно бебенце, кое за првпат го слуша гласот на своите родители со помош на специјално помагало за слушање, ќе ве исполни со емоции.
Арчер бил роден со оштетен слух на двете уши, а родителите дознале дека оштетувањето е трајно, кога тој имал само три недели. Два месеци подоцна, благодарение на напредната медицина и технологија, на малиот Арчер му било овозможено да слуша.
Во видеото, бебенцето плаче додека му го поставуваат и активираат апаратчето, но само што ќе го слушне гласот на својата мајка, тоа се смирува и започнува да се смее.
