ВИДЕО: Анџелина Џоли усреќи дечиња, купувајќи ја џиновската мечка која ја продавале на улица

Осумгодишни близнаци добија можност да ја запознаат Анџелина Џоли на многу невообичаен начин. Додека двете деца продавале џиновска плишена мечка на улица, славната актерка застанала и ја купила мечката, плаќајќи им двојно повеќе од она што го побарале.

Во видеото, снимено од таткото на децата, близнаците Ален и Брендон стојат на улица во Лос Анџелес и држат знак на кој пишува дека ја продаваат мечката зад себе. Потоа следува кадар на кој Џоли им помага на децата да ја стават мечката во багажникот од нејзиниот автомобил. Покрај неа стои нејзината ќерка Шајло.

Видео

Иако децата ѝ побарале 50 долари, ѕвездата од „Maleficent“ им платила по 50 долари на секое од децата, мамејќи насмевки на нивните лица.

„Многу сте добри во вашата работа. Вие сте многу кул момчиња. Мило ми е што ве запознав“ – вели Џоли гушкајќи едно од децата.